Аргентинскиот фудбал тагува по Мигел Анхел Русо, откако трофејниот тренер на Бока јуниорс ја загуби битката со тешката болест на 69-годишна возраст.
Русо во три периоди ја водеше екипата на Бока, првпат во 2007 година, а последен пат се врати на кормилото во јуни годинава и беше тренер на Бока на клупскиот мундијал што летово се одржа во САД.
Тој краток период работеше и во Ал Наср во Саудиска Арабија, а водење и клубови во Чиле и во Перу, но најголемите успеси ги оствари како предводник на Бока јуниорс.
„Со огромна тага објавуваме дека почина нашиот тренер Мигел Анхел Русо. Мигел остави огромна трага врз нашата институција и секогаш ќе биде пример за среќа, топлина и посветеност. Нашите срца во овие тешки моменти се со неговото семејство“, се вели во објавата на Бока јуниорс.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
