Арсенал, Челси, Ајнтрахт Франкфурт и Валенсија се полуфиналистите во Лигата на Европа откако успешно ги минаа четвртфиналните пресметки во второто по квалитет европско клупско натпреварување.
Ако за Арсенал, Челси и Валенсија, согласно резултатите од првите натпревари, и се очекуваше пласманот во полуфиналето, победа на денот запиша Ајнтрахт Франкфурт славејќи со 2-0 против Бенфика и на тој начин поради гол на гости (по оние 4-2 за Бенфика од првиот дуел) си обезбеди полуфинале.
Германците до водство дојдоа со гол од офсајд на Костиќ во 37. минута, а во 62. минута следеше и погодокот за полуфинале.
Арсенал, пак, по првата победа од 2-0 славеше и на гостувањето против Наполи со 0-1. Стрелец на единствениот гол на мечот беше Лаказет во 36. минута, кој прекрасно погоди директно од слободен удар од 25 метри.
Мечот на вечерта го одиграа Челси и Славија Прага. Лондонскиот тим победи со 4-3 како дополнение на победата од 0-1 и од првиот натпревар во Прага.
Валенсија, по победата на првиот меч од 1-3, и на домашен терен славеше против Вилјареал, сега со 2-0.
ЛИГА ЕВРОПА – ЧЕТВРТФИНАЛЕ
Наполи – АРСЕНАЛ 0-1 (0-2)
ЧЕЛСИ – Славија Прага 4-3 (1-0)
ВАЛЕНСИЈА – Вилјареал 2-0 (3-1)
АЈНТРАХТ Ф. – Бенфика 2-0 (2-4)
- Во заградите се резултатите од првите четвртфинални натпревари
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
