Англискиот премиерлигаш Арсенал сака да ја засили конкуренцијата во тимот со Желсон Мартинс. Крилниот играч не успеа да се снајде во редовите на Атлетико Мадрид, а менаџерот на „топчиите“ Унаи Емери смета дека тој би бил добро решение во неговиот тим и сака да го ангажира на позајмица до крајот на сезоната. Арсенал потоа би имал право и да го откупи комплетно неговиот договор.
Во трка за Желсон Мартинс е и францускиот прволигаш Монако, кој грчевито се бори да обезбеди опстанок во елитната конкуренција. Тренерот Тиери Анри панично бара нови засилувања, со оглед дека тимот е апсолутно неконкурентен оваа сезона во француското првенство.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
