Арсенал со 2-1 го совлада Фулам во 30. коло во Премиер-лигата. На Емирати во Лондон, „топчиите“ ја крунисаа целосната доминација и дојдоа до победа, иако можеа на крајот да имаат проблеми, со оглед дека Фулам во 94. минута успеа да го намали резултатот, и да донесе неизвесност во последните мигови.
Проблемите со повреди на Арсенал се појавија и на овој натпревар, па во првиот дел домашната екипа го загуби Габриел кој се повреди. Мерино во 37. минута успеа да му донесе предност на Арсенал.
Во вториот дел по тримесечна пауза влезе во игра Букајо Сака, и веднаш стрелаше за 2-0. Родриго Муниз најпрво пропушти огромна шанса да намали и порано, но тоа му успеа предоцна, па Фулам не можеше да се врати целосно.
Вест Хем и натаму „тоне“ кон дното на табелата во Премиер-лигата, откако загуби од Вулверхемптон со 1-0. Стрелец на единствениот гол беше Ларсен во 21. минута од средбата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
