Со само 34 примени голови на 38 одиграни натпревари во Премиерлигата, Арсенал ја имаше најдобрата одбрана во едно од најсилните фудбалски првенства за сезоната 2024/25, а со цел да го задржи епитетот тврдина и за предизвиците кои следат лондонскиот клуб ќе му даде нов договор на незаменливиот Габриел.
Бразилскиот репрезентативец пристигна во Арсенал во 2020 година од Лил во трансфер вреден 26 милиони евра, а и покрај тоа што има договор со важност до 2027 година тој е еден од фудбалерите со најмали примања во северен Лондон.
Со цел да одолее на богатите понуди од Саудиска Арабија, Арсенал ќе му понуди нов договор на 27-годишниот стопер кој сега заработува само шест милиони евра по сезона со важност до 2030 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
