Арсенал ја надмина резултатската криза што го мачеше изминатиот период откако „топчиите“ славеа со убедливи 1-5 на гостувањето против Кристал Палас. Четири дена откако беа подобри од овој ривал во лига-купот, избраниците на Микел Артета повторно стигнаа до триумф над Палас, а во главна улога беше Габриел Жезус.
Бразилецот кој постигна хет-трик во второто полувреме од лига-купот овојпат блесна во првиот дел, постигнувајќи ги првите два гола за Арсенал, за водства од 0-1 и 1-2. Раја имаше неколку добри интервенции, а беспрекорно функционираше нападот на Арсенал, најпрвин Хаверц стрелаше прецизно за 1-3, а во вториот дел меѓу стрелците се запишаа и Мартинели и Рајс, кои влегоа како резерви.
Единствена црна точка на триумфот на Арсенал е повредата на Букајо Сака, кој поради болка во мускулот мораше предвреме да биде заменет и сега ќе мора да пропушти неколку натпревари на „топчиите“ во овој згуснат празничен распоред.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
