Арсенал се соочува со огромна криза во играчкиот ростер по најновата повреда што ја заработи Каи Хаверц за време на тренинг-кампот на „топчиите“ во Дубаи.
Резултатите од деталните прегледи донесоа уште поголеми главоболки за Микел Артета, повредата на мускулот е многу сериозна и Хаверц ќе отсуствува најмалку три месеци од терените, а огромни се шансите дека тој воопшто нема да може да заигра фудбал до крајот на оваа натпреварувачка сезона.
Артета до крајот на сезоната е без помошта на Габриел Жезус, а во моментов повредени се и Сака и Мартинели, кои би требало да паузираат уште најмалку по дваесетина дена.
Во една таква ситуација, јасно е дека „топчиите“ се соочуваат со огромни проблеми да ја продолжат победничката серија, нешто што им е неопходно во обид да го стигнат Ливерпул на врвот на премиерлигашката табела.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
