Арсенал испушти голема шанса да го намали заостанувањето зад лидерот на табелата Ливепул откако ремизираше без голови против Евертон во 16. коло од Премиерлигата.
Тренерот Микел Артета по средбата изјави дека е задоволен од прикажаната игра, но не и од завршницата бидејќи неговиот тим не беше во можност да ја затресе мрежата.
„Разочаран сум. Очигледно е дека само еден тим заслужи да победи, Арсенал. Не дозволивме противникот да создаде никакви шанси, доминиравме, не дозволивме да не надмудрат ниту да се приближат до нашиот гол. Поставивме одличен висок пресинг и создадовме доволно шанси.
„На крајот, мора да тежнееме кон што поубедлива победа. Сигурно дека се обидовме, но секогаш очекуваме повеќе кога ќе одиграме нерешено. Сакам повеќе и од момците освен што ги барам головите“, изјави Артета.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
