Тренерот на Арсенал, Микел Артета најави големо засилување за својот тим до крајот на сезоната бидејќи од повреда се враќа Букајо Сака, англискиот репрезентативец кој играше во врвна форма пред да се повреди на 21. декември во дуелот против Кристал Палас.
Напаѓачот заработи повреда на задната ложа на десната нога поради што мораше да помине и низ оперативен зафат. Рехабилитацијата заврши, Сака се врати и на тренинзите на Арсенал па сега ќе биде подготвен за настап против Фулам.
„Букајо е подготвен. Се што требаше да одработиме претпазливо веќе го завршивме, сега е важно само посепено да го вратиме на терен, но тој инсистира да игра. Знаеме какво влијание имаше Сака на тимот. Не играше во последните три месеци, но играше 48 месеци. Тој сака да биде во тимот, да игра, да тренира и да се натпреварува на високо ниво“, изјави Артета.
Натпреварот помеѓу Арсенал и Фулам ќе биде одигран во вторник со почеток од 20 часот и 45 минути.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
