Во последното коло, Арсенал го доживеа својот прв пораз во Премиерлигата оваа сезона на гостувањето кај Астон Вила.
Пред мечот за Вулверхемптон покрај другите теми тој говореше и за формата на Виктор Ѓокереш кој не се снајде најдобро по неговото доаѓање на „Емирати“.
„Две работи треба да се совпаѓаат – мора да го ставите играчот во најдобри можни услови за да „експлодира“ и да го даде својот максимум. Но, постојат и детали во самата улога, во начинот на кој поединецот игра за да се случи сето тоа. Тоа е комбинација од тие две работи. Уште поважна е врската со соиграчите, разбирањето, комуникацијата и начинот на кој се развива. Пред повредата, Виктор беше на добро место. Му требаше малку време бидејќи оваа лига има различни барања, дури и не ја играше предсезоната со нас. Головите ќе дојдат и сите ќе бидеме многу среќни со него“, изјави Артета.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
