Дефанзивниот играч за врска Артуро Видал се појави на тренингот на репрезентацијата на Чиле пред гостувањето во Перу и натпреварот со Венецуела во квалификациите за СП 2026 година.
Последниот натпревар за репрезентацијата против Колумбија го одигра во септември минатата година. Аргентинецот Рикардо Гарека реши да го покани 37-годишниот по очајните резултати на неговиот тим, кој се наоѓа на последното, 10. место во јужноамериканските квалификации.
Ќе биде интересно да се види како ќе соработуваат Видал и Гарека, бидејќи освојувачот на Копа Америка во 2015 и 2016 година употреби тешки зборови за селекторот, кого го нарече „идиот“ затоа што не го повика во репрезентацијата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
