Стефан Ашковски одигра одличен меч на десната странична позиција максимално одговорајќи на зададените задачи од стручниот штаб.
Ашковски потенцира дека ремито со европскиот шампион Италија е награда за големата борбеност и одиграниот натпревар како тим, што е единствен предуслов за успех.
„Одигравме навистина борбено со огромна желба како тим, и кога ќе играте така секако ќе добиете награда за сето тоа и резултатот нема да изостане. Горевме во намерата за позитивен резултат против европскиот шампион и апсолутно го заслуживме овој бод“ – вели Ашковски.
А, ако се погледнат некои шанси можеби можевме и до победа…
„Да, така е. Имавме во првото полувреме 100% шанса на Миовски имаа и тие но не искористија. Во вториот дел Елмас исто така со извонредна шанса, навистина одигравме квалитетен меч и мило ми е што покажавме дека тоа во Англија беше само еден лош ден. Сега со позитивни мисли одиме на победа со Малта“ – дополни Ашковски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
