Стефан Ашковски со Фортуна ситард од следната сезона ќе игра во Првата лига на Холандија.
Ашковски денеска го одигра второто полувреме за Фортуна ситард која со победата против вториот тим на ПСВ од 1-0 обезбеди директно место во Првата холандска лига следната сезона. Со оглед на тоа што првопласираниот Ајакс 2 не може да има место во елитното друштво, според правилникот за натпревари во Холандија, Фортуна ситард, како второпласиран, е тимот кој од следната сезона ќе игра во Првата лига. Фортуна ситард по цели 16 години повторно се враќа во најсилната холандска лига.
? | Kippenvel! @FortunaSittard keert na 16 jaar terug in de Eredivisie!#forjpshttps://t.co/AVPaxwVdQe pic.twitter.com/iYDMhVmo1n
— FOX Sports (@FOXSportsnl) April 28, 2018
Македонскиот интернационелец Денис Махмудов, пак, сезоната ја заокружи со нов гол во дресот на Дордрехт, кој ќе игра во плеј-оф разигрувањето.
Махмудов повторно погоди, постигнувајќи го 15-от гол сезонава, во ремито (3-3) на Дордрехт против НЕЦ Најмиген во 38. коло. Македонскиот фудбалер погоди во 45. минута од средбата постигнувајќи го вториот погодок за Дордрехт на мечот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
