Македонските судии Јован Качевски и асистент судијата Кристијан Џонов ја делеа правдата на квалификациониот турнир, елитна група , за настап на Европското првенство, фудбалери до 19 години што се одржа во Тбилиси во Грузија. На турнирот настапија репрезентациите на Словачка, Полска, Грузија и Црна Гора и само победникот ќе игра на Европското првенство.
Покрај Качевски и Џонов, во Тбилиси на турнирот судеа и судии од Хрватска, Казахстан и Летонија. За младиот асистент судија Кристијан Џонов овој турнир беше воедно и деби на европската сцена бидејќи годинава за првпат беше предложен од судискиот одбор на ФФМ и усвоен од судиската комисија на УЕФА за меѓународен судија.
На турнирот Качевски /главен/ и Џонов заедно ги судеа натпреварите Словачка-Црна Гора 1:1 и Полска -Црна Гора 0:1, додека на мечот кој одлучуваше за првото место на турнирот и директно учество на Европското првенство меѓу Црна Гора и Грузија /3:1/, Качевски беше четврти судија, додека Џонов му помагаше на главниот судија од Хрватска и вториот асистент од истата држава.
М.М.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
