Шпанскиот фудбалер Сезар Аспиликуета е нов член на Севилја, објави официјално андалузискиот клуб.
36-годишниот Аспиликуета доаѓа во клубот како слободен агент, и потпиша едногодишен договор со Севилја, со опција за продолжување на соработката за уште една сезона.
Шпанскиот фудбалер ги помина претходните две години во Атлетико Мадрид, за кој одигра 54 натпревари во сите натпреварувања. Поголемиот дел од својата кариера го помина во Челси, со кого ја освои Лигата на шампионите, два трофеи во Лига Европа и две титули во Премиерлигата.
Во својата кариера, тој играше и за Осасуна и Марсеј. Аспиликуета досега одиграл 44 натпревари за шпанската репрезентација.
🖊️ César Azpilicueta becomes our fourth signing of the summer♟️
Welcome, César!
— Sevilla FC (@SevillaFC_ENG) August 29, 2025
Севилја е на 17-то место на табелата во шпанското првенство без бодови по две кола, а утре ќе биде домаќин на Џирона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
