Кошаркарите на Панатинаикос се соочуваат со големи кадровски проблеми пред дербито против Олимпијакос во грчкото првенство кое се игра вечерва.
Како што објавува грчкиот „Спорт24“, Панатинаикос ќе биде значително ослабен, бидејќи дури пет играчи нема да играат поради повреди.
Ергин Атаман нема да може да смета на Најџел Хејс-Дејвис (проблем со листот), Џеријан Грант (повреда на раката), Хуанчо Хернангомез (вирус на желудникот), Никос Рогавопулос (истегнување на мускулот) и Александрос Самодуров (воспаление) за овој дуел.
Покрај нив, натпреварот ќе го пропушти и Мариус Григонис, кој не е регистриран за домашното натпреварување.
Патанаикос моментално го зазема второто место на табелата со скор од 17-4, додека Олимпијакос е сè уште максимален со 20-0 и влегува во дербито како фаворит.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
