Атлетико Мадрид ќе биде сериозно ослабен за утрешното гостување во Лигата на Шампионите против Ливерпул откако Диего Симеоне остана без помошта на петмина стандардни првотимци.
Новите засилувања Баења и Алмада поради повреди нема да патуваат со екипата за Ливерпул, а во Мадрид останаа и главниот напаѓач Хулијан Алварез, како и дефазивците Хименез и Кардозо. Во ваква ситуација, Диего Симеоне е принуден да бара поинакви решенија, па интересно ќе биде да се види со каков тим ќе истрча Атлетико утревечер на „Енфилд“.
Добра вест за Атлетико е што барем словачкиот дефанзивец Ханко доби зелено светло да патува со тимот во Ливерпул по повредата што ја заработи викедов против Вилјареал.
La convocatoria para Liverpool ✈️ pic.twitter.com/g6ig0lAt6t
— Atlético de Madrid (@Atleti) September 16, 2025
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
