Марсел Хиршер ја освои третата слаломска титула во кариерата. На последниот ден од Светското првенство во Оре, Хиршер триумфираше во најтехничката дисциплина и ја предводеше австриската колонија на подиумот. Тој имаше време од 2.05.85 минути, 65 стотинки за среброто заостана Михаел Мат, а бронзата му припадна на Марко Шврц кој имаше 76 стотинки послаб резултат зад победникот.
Светски титули во слалом, Хиршер осовојуваше во 2013 во Шладминг и пред две години во Сент Мориц. За него ова е 11. медал од светските првенства, седми златен. На овој шампионат во Оре освои и сребро во велеслалом.
На трката во слалом се појави и единствениот македонски претставник, Антонио Риствески, но не го заврши првото возење и остана без палсман. Тој доби можност да се натпреварува во главната конкуренција откако беше избран од нашиот тим како претставник од четворицата кои вчера минаа низ квалфикациите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
