Стратегот на Еурофарм Пелистер, Жељко Бабиќ, со право беше горд на изданието на битолчани на денешниот дуел со Татабања, на кој „пелистерци“ го декласираа противникот со 33-20.
Хрватскиот стручњак во изјавата по мечот најпрвин изрази сочувство до сите погодени од трагедијата со сообраќајната несреќа во Бугарија, по што се осврна и на играта на својот тим.
„Пред се би сакал да изразам сочувство на сите оние кои се погодени од несреќата што и се случи на Македонија. Што се однесува до самиот натпревар, ние максимално ги искористивме сите нивни проблеми. Знаевме дека играчите на Татабања се изморени и тоа влијаеше на нивниот настап. Сакам да им се заблагодарам на моите играчи на одличниот ангажман и желба. Навистина одиграа на неверојатно ниво и на крај мислам дека победивме повеќе од тоа што очекувавме“ , изјави Бабиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
