Кошаркарките на Бадел убедливо славеа над Баскет Кам со резултат 88-72 и се закитија со трофејот во Суперкупот на Македонија. Откако Баскет Кам стина до двојната круна минатата сезона, „баделки“ со денешниот триумф и супериорната игра најавија дека се решени да се вратат на тронот на женската кошарка.
Баскет Кам делуваше одлично на самиот почеток, поведе со 2-9, но набрзо следеше камбек на „баделки“, кои ја добија првата четвртина со резултат 22-19. Мечот беше решен во втората четвртина, што „баделки“ доминантно ја добија со 27-14 и си создадоа предност што потоа рутински ја одржуваа до самиот крај на мечот.
Кметовска беше доминантна со 26 поени и 12 скокови за победничкиот тим, каде одлична партија прикажа и Стојановска, која исто така оствари дабл-дабл, од 21 поен и 11 асистенции. Во таборот на Баскет Кам најефикасни беа Адамс со 27 и Алексиќ со 18 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
