Баерн Минхен ќе биде сериозно ослабен за утрешниот дуел со Мајнц откако тренерот Нагелсман обелодени дека клучните фудбалери ја загубиле трката за настап на овој натпревар.
Лирој Сане не е ниту блиску до камбек, но Нагелсман се надеваше дека барем Томас Милер и Мануел Нојер ќе ги надминат своите проблеми и ќе можат да настапат утре на „Алијанц Арена“. Сепак, тоа нема да се случи.
„Милер се обиде, но не успеа. Се уште не е максимално подготвен и нема да настапи против Мајнц. Истото се однесува и на Мануел Нојер“, изјави стратегот на баварскиот гигант.
Добра вест за Нагелсман е што тимот функционира одлично и без двајцата ветерани, кои не настапија ниту на последниот триумф на „Камп Ноу“ над Барселона во Лигата на Шампионите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
