Капитенот и голман на Баерн Минхен, Мануел Нојер, најверојатно ќе го пропушти првиот дуел со Аталанта. Нојер го напушти теренот на полувремето во победата на Баерн над Борусија Менхенгладбах, а денес има информации дека клубот нема да ризикува сериозна повреда.
Се поизвесно е дека Јонас Урбиг ќе биде на голот против Аталанта. Освен Нојер, Алфонсо Дејвис и Хироки Ито ќе го пропуштат патувањето кај Аталанта, додека Хари Кејн ќе се врати, кој го пропушти последниот натпревар поради полесна повреда.
Натпреварот Аталанта – Баерн Минхен е закажан за вторник во 21:00 часот, реваншот е осум дена подоцна на „Алијанц Арена“, а се очекува првиот голман и капитен да бидат подготвени тогаш.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
