Флоријан Вирц, па Нико Вилијамс… На Баерн Минхен никако да му тргне со посакуваните имиња сезонава. Успеаја да го донесат само Џонатан Та, кој се заколна на „верност“ со Баварците, а сега најновото име кое го одби тимот на „Баварците“ е Бредли Баркола од ПСЖ.
Французинот ја одби можноста да се пресели од таборот на европскиот првак во Баварија, па сега најтрофејниот германски тим ќе го активира планот „Д“. А тој се вика Рафаел Леао.
Вирц прифати да игра за Ливерпул, Вилијамс истакна дека ќе оди во Барселона, Баркола останува во ПСЖ, Лерој Сане замина, па сега на ред е Леао. Меѓутоа проблем е што Милан не сака да се откаже од неговите услуги за сума помала од 75 милиони евра. Се споменува дека ќе бидат побарани и повеќе, односно со бонуси 80-85 милиони евра.
Не дека Баерн нема пари, но нивната намера беше 150 милиони на Вирц, а сега кога работите се сменија, прашање е дали за Леао се подготвени да платат околу 80 милиони.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
