Германскиот првак Баерн Минхен со триумф ја почна ерата по заминувањето на Нико Ковач и го продолжи максималниот ефект во групата Б. Баварскиот тим славеше против Олимпијакос со 2-0 и има максимални 12 бода на врвот на табелата. Тоа значи дека веќе е патник во осминафиналето.
Роберт Левандовски во 69.минута го отвори резултатот, а Иван Перишиќ дваесет минути подоцна го постави конечниот епилог на дуелот.
Јувентус во последните мигови од мечот во Москва стигна до триумф (1-2) против домашниот Локомотив и исто така обезбеди пласман во осминафиналето. Даглас Коста во 93.минута постигна победнички погодок.
Арон Рамзи во четвртата минута го доведе Јуве во водство, а израмни Алексеј Миранчук во 12.минута. Јувентус е првопласиран на табелата во групата Д со десет бода, три повеќе од Атлетико Мадрид.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
