Германскиот репрезентативец Флоријан Вирц е желба на гигантите ширум Европа и се претпоставува дека на лето би можел да ја смени средината, но прашање е само за кого ќе потпише.
Најдобриот играч во Бундеслигата минатата сезона ја освои двојната круна со Баер Леверкузен и Апотекари реши да го задржи барем уште една сезона, но на крајот од истата ќе бидат сериозно во искушение да го продадат.
Баерн и Реал Мадрид важат за најголеми фаворити за доведување на 20-годишниот фудбалер, но поранешниот фудбалер на баварскиот тим, Маркус Бабел смета дека актуелниот лидер во германскиот шампионат нема да може да си дозволи да ја доведе младата ѕвезда.
„Мислам дека Баерн не може да го донесе. Мислам дека целокупната трансферна сума и пакетот плата се огромни и за Баерн. Следното лето само ПСЖ и Реал Мадрид можат да го доведат”, изјави Бабел.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
