Преуспешната кариера на Лука Модриќ во Реал Мадрид заврши со крајот на сезоната. Хрватскиот магионичар со топката заминува од „Сантијаго Бернабеу“ како најтрофеен фудбалер во историјата на славниот шпански клуб, а која ќе биде неговата следна дестинација останува отворено прашање.
За Модриќ постои сериозен интерес од Саудиска Арабија каде му нудат вистинско богатство за потпис, постои сериозен интерес и од клубовите од најдобрите пет првенства во Европа, но и од словенечката Олимпија. Според медиумите во Словенија клубот веќе стапил во контакт со агентот на Модирќ за потенцијален трансфер.
Тоа не е првиот интерес за ангажман на Хрватот од страна на словенечки клуб, тој беше мета и на Целје пред да го продолжи договорот со Реал Мадрид минатото лето, но овој пат интересот е далеку посериозен. Претседателот на Олимпија најави силен тим за настап во Лигата на Шампионите, а во 39-г0дишникот се гледа како темел на прокетот.
Хрватите пак веднаш одговорија на овие информации со порака: „Лука може да ја купи целата лига, не да дојде во еден клуб“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
