Хорхе Мартин утринава славеше во спринтерската трка за Големата награда на Малезија и беше на чекор од освојување на титулата во категоријата Мото ГП, откако актуелниот светски шампион Пеко Багнаја направи катастрофална грешка.
Остануваат само два тркачки викенди до крајот на сезоната во најсилната категорија на овој спорт, а еден од нив стартуваше утрово во Сепанг, Малезија, каде во спринтерската трка Хорхе Мартин успеа да ја зголеми предноста пред Пека Бањаја.
Бањаја беше фантастичен во квалификациите и успеа да стигне до пол-позицијата за спринтот и главната трка. Тој утрово не стартуваше добро во спринтот бидејќи Мартин успеа да му се закани во првиот свиок и да го диктира темпото на трката.
Шпанецот, кој викендов влезе со 17 бода повеќе во генералниот пласман, на стартот сакаше да покаже дека сака да ја зголеми таа предност, додека Бањаја очигледно сакаше да победи и да ги намали бодовите пред утрешната главна трка.
Последната трка од Мото ГП треба да се вози во Валенсија, но истата е откажана поради катастрофалните поплави.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
