Енис Барди е вистински хит во тимот на Леванте во трансферот од Ујпешт, па токму затоа во таборот на шпанскиот прволигаш се во исчекување на резултатите од последните лекарски прегледи врз македонскиот репрезентативец.
Имено, Барди за време на вчерашниот пријателски меч со Елче, на кој постигна нов еврогол од слободен удар, заработил повреда на ногата поради што морало предвреме да биде повлечен од игра.
Според првичните информации од шпанските медиуми станува збор за проблеми со мускулот, а во следните 24 часа ќе бидат извршени детални прегледи по кои ќе биде познато кога тренерот на Леванте повторно ќе го има Македонецот на располагање. Сепак, мали се шансите тој да биде „фит“ за стартот на сезоната во Примера дивизион закажан за следниот викенд и мечот од првото коло во кој Леванте ќе го пречека Вилјареал.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
