Фудбалска Македонија стана светски хит откако во Палермо ја порази Италија со 0-1. Александар Трајковски во судиското продолжение ја донесе големата победа на „црвено-жолтите“, па сонот да се биде дел од најголемиот светски собир дојде на чекор до остварување.
Во пресрет на финалниот бараж меч со Португалија, Енис Барди, еден од клучните фудбалери во македонскиот состав, испрати јасна порака – ако победиме веднаш нека ни ја дадат светската титула.
„Можеби немавме среќа на ждрепката кога паднавме во најтешката група, ама ние сме горд тим, кој верува во сѐ што прави. Да ја победиш Италија на домашен терен е нешто неверојатно, а сега ни доаѓа Португалија, исто така на нивен терен и знаеме дека ќе биде тешко, ама мора да веруваме дека можеме. Фудбал се игра 90 минути, сѐ може да се случи… Така да, ако ја победиме Португалија, нека ни го дадат пехарот и ќе си одиме дома. Нема потреба да патуваме во Катар, ќе си седиме во Македонија“, изјави на шега Барди после епската победа над Италија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
