ЕКИПА во Белек,
Никола Ѓуровски
Фудбалската репрезентација на Македонија го одработи последниот тренинг во пресрет на утрешниот втор пријателски натпревар на мини-турнејата во Турција, против селекцијата на Азербејџан. Оваа втора проверка ќе се одигра на „Мардан Арена“, а репрезентативците денеска го почувствуваа амбиентот.
Играчот за врска Енис Барди вели дека секој нов меч е ново искуство и може многу да се научи, очекувајќи триумф на дуелот со Азербејџан.
„Одигравме добар меч против Финска. Тие играа цвсто, се затворија, а ние имавме шанси за победа, кои не ги искористивме. Сепак, научивме многу и од тој натпревар. Мислам дека против Азербејџан ќе биде поинаку. Тие имаат среден ред кој размислува поофазивно, а посакуваме триумф, за да ја продолжиме низата без пораз и уште помотивирани да го пречекаме стартот на новото натпреварување, Лигата на нации. Оваа селекција ја краси одличен тимски дух и мислам дека тоа ќе не носи кон нови успеси во иднина“, истанува Енис Барди.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
