Енис Барди стана слободен играч откако доби раскин на договорот со Трабзонспор, па македонскиот репрезентативец сега може без никаква отштета да ги смени клупските бои и да се пресели во тим каде што ќе може да ги покаже своите квалитети.
Барди неколку месеци беше изолиран од првиот тим и тренираше индивидуално, неговиот тим резултатски продолжи да тоне, а управата конечно се договори со македонскиот репрезентативец околу исплатата на парите што му се должеа, па Барди во овој јануари е слободен играч за да ја избере следната дестинација во кариерата.
Плејмејкерот во меѓувреме доби нова понуда од Шпанија, каде претходно со голем успех го носеше дресот на Леванте. Еспањол е тимот што сега покажува сериозен интерес за Барди, испраќајќи и интересна понуда за во јануари да го донесе македонскиот капитен во своите редови.
Барди има понуди и од Леганес и од Рајо Валјекано, но последните информации говорат дека Еспањол е тимот што моментно е лидер во трката по македонскиот репрезентативец.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
