Енис Барди со блесок на првиот меч од турското првенство веднаш им покажа на сите во Трабзон дека довеле супер-засилување, откако македонскиот репрезентативец постигна два гола за турскиот првак на дуелот со Анталија.
Барди влезе во игра при резултат 2-0 во 43. минута и со двата погодоци донесе израмнување од 2-2, но Анталија во фуриозен финиш стигна до триумф од 5-2 на овој суперинтересен меч.
„Го одиграв својот прв дуел од турскиот шампионат и можам да кажам дека беше одлично, квалитетот е на високо ниво. Среќен сум што постигнав голови уште на првиот меч, но помило ќе ми беше ако победевме. Сите сме тажни, но од друга страна и јасно ни е дека лигата штотуку почна и има уште многу за играње. Мораме да извлечеме поука и да не ги повториме грешките што ги направивме“, истакна Барди веднаш по мечот во Анталија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
