Фудбалерот на Интер, Николо Барела, најави дека ќе поднесе тужба против медиумите кои го поврзуваат со обложувачкиот скандал кој деновиве ја тресе Италија. Барела се огласи на Инстаграм и остро негираше дека има некаква врска со скандалот со Сандро Тонали, Николо Заниоли и Николо Фаџоли.
Тој на Инстаграм сподели статија во која весникот „Ла Верита“ го споменува неговото име во скандалот со обложување.
„Очекував малку посериозност од весникот „Ла Верита“. Единствената вистина е дека сте кловнови! Предолго молчев и покрај се што се пишува за мене овие денови. Никогаш не сум сакал обложување. Единственото нешто за кое сега се грижам се моите ќерки и моето семејство, кои морам да ги заштитам од ова. Затоа денеска ќе преземам правна постапка“, напиша италијанскиот репрезентативец.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
