Интер потврди дека нивниот играч од средниот ред Николо Барела, останува во клубот откако денеска го продолжи договорот со тимот до 2029 година. 27-годишниот Барела е веќе пет години во Интер, откако во 2019 година дојде од Каљари, најпрво како позајмен играч, а потоа со перманентен договор.
Барела кој е со италијанската репрезентација на престојното Европско првенство, искажа задоволство од потпишаниот договор.
„Горд сум и среќен што останувам во Интер. Заедно ќе бидеме дел од нови успеси“, рече Барела.
Следни за продолжување на договорите во Интер се Лаутаро Мартинез и тренерот Симоне Инзаги. Двајцата се веќе договорени, само се чека нивна официјализација.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
