Барселона триумфираше на „Гампер купот“ против Јувентус со 3-0, на денот на кој Лео Меси и официјално се збогуваше од каталонскиот гигант. Во главна улога беше Мемфис Депај, кој со еден гол и една асистенција ја предводеше Барса до оваа победа.
Избраниците на Роналд Куман одиграа подобар меч од „старата дама“ и заслужено славеа, но работата им беше значително олеснета со раниот гол што Депај го постигна по само неколку минути игра. Јувентус го почна мечот со тандемот Роналдо – Мората во нападот, но италијанскиот гигант се мачеше да влезе во својот препознатлив ритам.
На 2-0 во второто полувреме зголеми Бреитвајт по корнерот што го изведе Депај, а конечните 3-0 беа дело на младиот Пуиг.
🎯 @RiquiPuig pic.twitter.com/qCVGeXl7TM
— FC Barcelona (@FCBarcelona_es) August 8, 2021
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
