Ракометарите на Барселона славеа во дербито на 8. коло во Лигата на шампионите против Кил на домашен терен со 26-24. Откако првото полувреме помина во егал и на пауза се замина со 13-11, Каталонците во вториот дел одиграа за нијанса подобро во клучните моменти и стигнаа до триумф од 26-24.
Домен Макуц со шест гола беше најефикасен во таборот на победникот, додека кај поразените Никлас Екберг заврши со пет погодоци.
ППД Загреб успеа да приреди вистинска сенација откако на домашен терен славеше против големиот фаворит Веспрем со 29-26. Карпо Сиротиќ со шест гола ги предводеше „плинарите“, додека кај Веспрем Јахја Омар и Нилсон завршија со по седум гола.
Во последниот меч од денешната понуда Пари Сен Жермен без проблеми славеше на гостувањето кај Гог со 35-40. Камил Шипжак постигна десет гола кај „светците“, додека кај домаќинот недоволни беа 12 погодоци на Мортен Олсен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
