Првото годинешно „Ел Класико“, натпреварот помеѓу Реал и Барселона ќе се одигра в недела со почеток од 16.15 часот во Мадрид. Каталонскиот тим на овој меч ќе го има логото на канадскиот рапер Дрејк.
Минатата сезона Барселона се согласи да соработува со сервисот за стриминг на музика „Spotify“ со цел да ги закрпи финансиските дупки предизвикани од долгогодишниот лош бизнис. Под слоганот „да ги споиме фудбалот и музиката“, Барселона на загревањето ќе истрча во дресови со логото на Дрејк. Канадскиот рапер прв ја проби марката од 50 милијарди стримови на „Spotify“, па токму оваа бројка и ќе се најде на грбот на дресовите на играчите.
Барселона и Реал во големото дерби влегуваат од врвот на табелата, со ист број бодови. Барселона е на прво место бидејќи има подобра гол разлика. Избраниците на Чави примија само еден гол во последните осум кола.
🦉 @Drake 💙❤
First artist to hit 50 billion @Spotify streams. First artist to share the @FCBarcelona shirt. pic.twitter.com/cBiHjge5FG— FC Barcelona (@FCBarcelona) October 14, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
