Барселона продолжува со сигурни игри на стартот од новата сезона во Примера дивизион, откако во шестото коло каталонскиот гигант ја забележа шестата победа, овојпат на гостувањето против Џирона со 0-3.
Избраниците на Валверде повторно го употребија истиот рецепт, не одиграа којзнае колку атрактивно, но сепак одлично си ги користеа шансите и на крајот стигнаа до убедлив триумф. Додуша, имаа и помош од домашните играчи, со оглед на фактот дека првите два погодоци беа автоголови, за 0-1 мрежата си ја затресе Бенитез по шутот на Алба, а на 0-2 зголеми голманот Кепа со несмасна интервенција по акцијата на Алеиш Видал. Конечните 0-3 во второто полувреме ги постави Луис Суарез.
Барса во следната рунда од Примера ќе го пречека Лас Палмас, идеална можност за продолжување на победничката серија. Претходно, Меси и соиграчите ќе отпатуваат за Лисабон за дуелот од второто коло во ЛШ против Спортинг на нашиот Стефан Ристовски.
Aday Benitez Own Goal HD – Girona 0-1 Barcelona… by lifeefoot
Gorka Iraizoz Own Goal HD – Girona 0-2… by lifeefoot
HD – Girona 0-3 Barcelona Luis Suarez Goal HD… by esprit-foot
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
