Не е веќе никаква тајна дека Барселона сака да го врати во своите редови Лионел Меси кој во 2021 година го напушти клубот и кариерата ја продолжи во француски ПСЖ.
Славниот Аргентинец разочаран и тажен ги напушти редовите на каталонскиот клуб. Поради финансиската ситуација во клубот не можеше да остане. Но, нештата само една година подоцна се целосно променети. Барселона сега е максимално активна во обидот да го врати Меси.
Сепак, ова лето е јасно дека ќе биде сето тоа тешко изводливо, но…
„Би сакал времето на Меси во Барселона да не е завршено. Не знам дали е тоа изводливо ова лето, но во блиска иднина сигурно сите знаеме дека Меси заслужува втора фаза од кариерата во Барселона. Тоа е желба на сите нас, но последниот збор ќе биде негов“ – вели тренерот на Барселона, Чави Хернандез.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
