Тренерот на Барселона, Ернесто Валверде, нема да може да смета на услугите на Андрес Иниеста за вечерашното гостување кај Атлетик Билбао. Тој почувствува болки во мускулот на десната нога и ќе го пропушти дуелот од 10. коло во Ла Лига.
Иниеста нема да биде способен да настапи ниту на мечот од Лигата на шампионите против Олимпијакос на гости, а на тој дуел суспензија ќе одработи Жерар Пике. Сепак, тренерот Валверде многу повеќе се грижи целиот тим да биде фокусиран на фудбалот, откако политиката несомнено е во фокусот на вниманието. Каталонија вчера прогласи независност, но Шпанија истата не ја признава.
„Ние мораме да мислиме на спортот, професионалци сме и во мислите ни е само фудбалот. Се надевам дека сите ќе го сторат истото“, вели Валверде.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
