Фудбалерите на Барселона ремизираа 1:1 на гостински терен со екипата на Њукасл во првиот натпревар од осминафиналето на Лигата на шампионите, а ќе бидат многу посилни во реваншот.
Еден од најстандардните играчи на Ханси Флик, Ерик Гарсија, откажа настап на денот на вчерашниот натпревар поради мускулни тегоби, а денешните детални тестови покажаа дека нема повреди, само преоптоварување поради замор.
Исто така, денес пристигна вест дека Пабло Гави ќе се врати во поставата, односно на резервната клупа, овој викенд по повеќе од шест месеци. Гави заработи нова повреда на коленото поради која повторно беше потребна операција, тој тренира со тимот веќе некое време и се очекува да добие неколку минути во недела против Севиља.
Ова секако се одлични вести со оглед на тоа што Френки де Јонг нема да се врати до втората недела од април, како и фактот дека Педри игра повеќе отколку што треба откако веќе претрпе две повреди на мускулите оваа сезона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
