Како што пренесуваат шпанските медиуми, Барселона постигнала договор со Мозес Рајт, кој треба да го носи дресот на каталонскиот клуб од следната сезона.
Американскиот центар моментално игра важна улога во Жалгирис од Каунас, а соработката со Барселона е планирана да трае до 2028 година, пишуваат европските кошаркарски инсајдери.
Рајт има многу добра сезона зад себе во Евролигата, каде што има просек од 12,9 поени и 6,1 скока, што го прави едно од најинтересните имиња на пазарот. Неговото доаѓање би претставувало значително засилување за рекетот на Барселона.
Каталонскиот клуб, сепак, не планира да застане тука. Според истите извори, Барселона води голема битка со Ефес за потписот на Силван Франциско, а во исто време ја следи ситуацијата со Надир Хифи.
Јасно е дека Барселона подготвува сериозен тим за следната сезона и сака да се врати на самиот врв на европската кошарка.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
