Koшаркарите на Барселона славеа со 83-78 на домашен терен против Реал Мадрид и со тоа му го нанесоа само вториот пораз сезонава на големиот ривал во евролигашкото „Ел класико“ како дел од 18. коло.
Гостите од главниот град на Шпанија подобро го отворија натпреварот и по првиот период имаа предност од 21-25. До крајот на првото полувреме Каталонците успеаја да намалат дел од негативата и на пауза да заминат со минус два (45-47).
Клучен период во натпреварот беше стартот на последната четвртина во која домаќините отворија со серија од 16-0, а на противникот не му дозволија поени цели пет минути. До крајот успеаја да ја задржат предноста и да стигнат до конечен триумф од 83-78. Јан Весели со 27 поени беше прво име кај победникот, додека кај поразените Муса постигна 19 поени.
Во останатите мечеви од денешната програма во најсилното европско кошаркарско натпреварување: Валенсија – Анадолу Ефес 93-88, Басконија – Панатинаикос 75-73 и Виртус Болоња – Баерн Минхен 85-83.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
