Барселона е подготвена да го стави францускиот дефанзивец Жил Кунде на трансфер листата, што предизвика интерес од голем број европски гиганти. Според „Радио Марка“, каталонскиот клуб ќе разгледа понуди за играчот за време на летниот преоден рок. Иако „блауграните“ не бараат активно да се разделат со Французинот, не е исклучена можна продажба.
Дури минатата година Кунде потпиша нов договор со Барселона, кој го врзува за клубот до летото 2030 година. Сепак, ситуацијата околу него внимателно ја следат тимови како Манчестер Јунајтед, Ливерпул, Челзи и Баерн (Минхен).
Самиот Кунде, кој има 27 години, исто така би можел да биде во искушение да си замине. Причината е што под водство на новиот тренер Ханси Флик тој се користеше главно како бек. Сепак, францускиот репрезентативец се гледа себеси како централен дефанзивец и претпочита да игра на таа позиција.
Оваа сезона, Кунде има 40 настапи во сите натпреварувања, постигнувајќи 3 гола и 4 асистенции. Моментално е повреден, но се очекува да се опорави по репрезентативната пауза.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
