По слабата сезона, кошаркарскиот клуб Барселона се подготвува за голема „чистка“ на крајот на сезоната, пренесуваат шпанските медиуми. Во Евролигта се на „маргините“ на „плеј-офот“, а неодамна добија „шлаканица“ по поразот во четвртфиналето во Купот.
Поради тоа „Мундо Депортиво“ носи информација дека пред следната сезона ќе биде направена „чистка“, а дел од тоа ќе биде и Кевин Пантер.
Нему договор му истекува во јуни, и според медиумите, истиот нема да биде продолжен. Причината е и неговата висока плата која изнесува околу 2 милиони евра по сезона.
Една од можностите да остане, која ја наведува „Мундо Депортиво“, е да прифати намалување на платата, но неговата одлука секако ќе зависи од заинтересираните клубови кои ќе се јават на крајот на сезоната.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
