Барселона продолжи во победнички ритам во натпреварите од АСОБАЛ лигата. Во натпреварот од 8.коло, каталонците рутински славеа гостинска победа против Моразо Кангас со 21-31.
За избраниците на Чави Пасквал и овој натпревар беше полесен тренинг и триумф без посериозен напор. Во првото полувреме домаќините постигнаа само пет гола, а Барса веќе имаше двоцифрена предност (5-16) и практично, веќе обезбедена победа.
Валеро Ривера со девет гола го предводеше нападот на Барселона. Борко Ристовски на овој натпревар остана на клупата, а Гонзало Перес де Варгас го заврши мечот со 13 одбрани.
На 4 ноември, Барселона ги продолжува настапите во Лигата на шампионите со дуелот против ППД Загреб на домашен терен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
