Долгоочекуваното враќање на Барселона на „Камп Ноу“ продолжува да се одложува. Денес беше откриено дека клубот се договорил со Ла Лига првите четири натпревари на тимот во новата сезона да бидат само на гостински терен, објави Радио Каталуња.
Ова е за да се обезбеди дополнително време за завршување на повеќе реновирања на стадионот и за објектот конечно повторно да почне да биде домаќин на шампионски натпревари.
Сезоната 2025/26 ќе започне кон средината на август, со пауза за квалификациите за Светското првенство на почетокот на септември. Ова значи дека според овие планови, „Камп Ноу“ веројатно нема да ги отвори своите врати пред крајот на септември.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
