Легендарниот шпански фудбалер, Андрес Иниеста, ќе има величествено збогување од Барселона. Последниот натпревар во дресот на Барселона 34-годишниот Иниеста ќе го одигра в недела против Реал Сосиедад, а навивачите на каталонскиот тим веќе осмислиле начин како да се збогуваат со својата легенда.
Медиумите во Шпанија веќе објавија како ќе изгледа кореографијата на Камп Ноу, а раководството на Барселона во продажба пушти и дресови со името на Иниеста и со бројот осум свртен хоризонтално и претставува знак на бесконечност.
Засега се уште е неизвесно каде ќе ја продолжи кариерата Иниеста по заминувањето од Барселона каде мина 16 години. Се споменуваше Чонгкинг Лифан, но кинескиот клуб ја демантира веста исто како и јапонскиот Висел Кобе.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
