Новото коло од Евролигата го носи и еден од највозбудливите дуели на европската мапа, дербито на Шпанија помеѓу Барселона и Реал Мадирд, натпревар кој ќе биде одигран утревечер со почеток од 20 часот и 45 минути.
А, за него каталонците добиваат и големо засилување во поранешниот НБА кошаркар Раул Нето кој пред неколку дена официјално стана нов кошаркар на Барселона.
Постоеше неизвесност дали 32-годишниот Бразилец ќе може да дебитира на овој натпревар, но според последните информации се е подготвено за прв пат во својата кариера да го облече дресот на Барселона.
Каталонците по двата пораза во низа паднаа на осмото место на табелата со скор 7-4, додека Реал е најголемо разочарување сезонава во Евролигата, со пет победи и шест порази во првите единаесет рунди од елитното европско натпреварување.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
