Дефанзивецот на Олимпијакос, Монте Морис, доживеа тешка повреда на левиот глужд за време на натпреварот против Баерн Минхен во Евролигата.
Американецот го напушти теренот во средината на четвртата четвртина, а тренерот Јоргос Барцокас потврди по натпреварот дека Морис ќе биде подложен на магнетна резонанца за да се утврди точниот степен на повредата.
Како што истакна грчкиот стручњак, според првите проценки, станува збор за сериозна повреда.
„Среќен сум за победата, но сега го загубивме Морис. Таков е животот во Евролигата – не само за нас, туку за сите тимови. Играчите поминуваат многу минути на теренот, а оваа повреда се случи сама по себе, немаше никаков контакт“, рече Барцокас.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
